ليش سعر العسل غالي في الكويت؟

العسل الكويتي مو غالي مثل المانوكا واليمني، لكن سعره اعلى من أسعار الدول الزراعية والأسباب:

1- لأننا في بلد صحراوي، المرعى قليل بالتالي الخلية ما تطلع عسل وايد ( الخلية برا تطلع 50-70 كج .. الخلية في الكويت 2-4 كج ) وتتطلب نفس المجهود والخطوات.

2- النحل في الصيف يموت بسبب الحرارة ولازم نستورد نحل جديد.

3- العسل الكويتي مو للكل، للناس الي تبي اعلى مستوى وقاية من الأمراض يحتاجون عسل البلد الي هم فيه .. مثل الي عندهم حساسية شديدة او لعلاج معيّن او الوقاية من السرطان.