الكبة باللبن هي من أكتر الأكلات لي بتنطبخ بفصل الصيف، في منن بفضلو ياكلوها واللبن بعدو سخن وفي ناس بياكلوها باردة.
لطبخ الكبة باللبن، تحتاج سطل لبن ماعز كبير (5 كيلو) وكوب من الرز المصري منقوع ساعة.
منحط اللبن بالطنجرة ومنرجع منعبي ربع السطل مي ومنضيفن فوق اللبن
منضيف كوب الرز ومنحرك على نار عالية لحتى يبلشو يغلو
منوطي النار ومنخليهن على نار هادية لمدة ساعة ونص تقريبا (بكونو شتدو شوي) مع التحريك كل 5 دقايق شوي
آخر شي منحط راس ونص من التوم المهروس مع ملعقة كبيرة من النعنع اليابس وملح حسب الرغبة
منحرك ومنترك 5 دقايق ومنطفي
منوزع اللبن بجاطاط او صحون غميقة وبعد ما يبردو منقلي او منشوي الكبب اللي مجهزينن من قبل ومنقلي صنوبر طيب معن كتير
المصدر: tastylicious_by_nour