1- التثبيت مو يعني ترجع لعاداتك القديمة و تتناول مثل قبل (ايام السمنة و الوزن العالي)
2- مرحلة التثبيت مختلفة تماماً عن مرحلة خسارة الدهون و تتطلب نظام غذائي مختلف عن التخسيس
3- اثناء التثبيت اغلب الاحيان راح تحتاج تتناول طعام اكثر من اللي تتناوله حاليا و ضروري ما تخاف من الاكل و من هذه الزيادة لانها ضرورية علشان تثبت
4- احرص ان تكون الزيادة بالسعرات اللي راح تتناولها محسوبة و الافضل انها تكون من مصادر صحية علشان التثبيت ما يقلب زيادة في الوزن
5- التثبيت احيانا للبعض يكون اصعب من خسارة الوزن خاصة اذا صار لك فترة متبع نظام تخسيس و تعودت عليه. انك توصل لتوازن في كمية السعرات المتناولة بحيث تثبت ممكن يكون tricky و ياخذ وقت
6- و علشان النقطة اللي فاتت ما تأزمك و تحبطك ضروري تطول بالك اثناء التثبيت و تكون برحابة صدر متوقع انك احتمال ما تصيد المعادلة الصحيحة من اول تجربة
7- التثبيت ممكن يتطلب منك انك تغير من برنامجك الرياضي و مش فقط نظامك الغذائي. خلك مرن و مستعد تجرب انواع جديدة
8- اثناء التثبيت و خاصة في البداية ضروري تراقب و تلاحظ تقدمك علشان تعرف هل اللي قاعد تسويه صح ولا غلط و حسب اللي تشوفه من نتايج تضبط و تعدل. مع الممارسة راح تسهل و توضح الامور
9- مرحلة التثبيت هي بداية سيستم حياة جديد (يعني مرحلة انتقالية من مرحلة التخسيس الى مرحلة حياة صحية وسيستم راح تستمر عليه على طول) و لذلك لا تتوقع انك راح تلتزم بشيء صعب لانه ما راح يكون صحي ولا راح يكون مستدام
10- مو غلط ابداً اذا ما كنت ملم بأساسيات التثبيت انك تستعين بمختص يساعدك. راح تتفادى الوقوع في العديد من المشاكل و الsetbacks
المصدر: فت يونين - fitt.union