حوار فكاهي بين هيفاء وهبي وعادل كرم

عادل : «ع فكرة انتوا البنات غريبين، بتوقفي ست ساعات تزبطي حالك قدّام المراية لتطلعي حلوة، واذا حدا بالشارع قلّك شو يا حلو بياخذ ع خاطرك»!

هيفا: «لحقت وبدّك تلطّش، ما تكون واقف بنصّ الشارع عم تفقّي بزر مع اصحابك، عالقليلة اوقف ع شي اشارة حمراء مع سيارة فيراري كشف ولطّش قد ما بدّك».

عادل: «بدّك تجنّن امرأة... ازربها ست ساعات بالأوضة من دون موبايل».

هيفا: «بدّك تجنّن الرجّال... ازربه بالأوضة ست ساعات من دون امرأة... أصلا وراء كل رجّال عظيم... امرأة».

عادل: «انت الصادقة وراء كل رجّال طفران امرأة... لأن الـ credit card بيد المرأة بيجرح».

هيفا: «يلي بيجرح أكثر هوي يلي ما معو يمشي بس عامل نمر على مرتو وهوي بسين (هرّ) قدّام صاحبته... مياو».

هيفا: «ويلي بيشرّف عالبيت وما ع بالو، بيحطّ الأخبار ويبدأ بالنعي أن الوضع عاطل جدا... لأ حياتي، وضع البلد منيح قدّام وضعك لأنو ما في شي معقول يقوم... لا فيك ولا بوضعك!».

عادل: «أصلا في كلمة مش معقول تسمعها من امرأة، هيي أنا غلطانة».

هيفا: «فيها تقول أنا غلطانة اني تجوّزتك!».