ليلى نسمة جبلية ع برود الصبحية، بتسلحب من شباك اليوم، حاملة شي من ريحة الضيعة العتيقة، شي هيك، بيفرفح قعدتنا، ويروق عجقتنا... وياخذنا لايام الهنا والبركة.
قصة ليلى قصة بنت كبرت بالجبل، بالرواق، بالهوا النقي، بين الناس الطيبين الي ما يوم اشتهوا راحة البال.
ربيت ليلي ع ايد ستا الختيارة... هالايدين الي من حواضر مطبخنا العريق ربوا اجيال ع الكرم واللقمة الطيبة.
وبيوم من الايام، ركبت ليلى بعربيتها ونزلت ع المدينة، محملة خيرات الضيعة ووصفات ستها السرية.
هون بالمدينة، عملت ليلي ضيعة زغيرة، سمتها مطعم ودكانة ليلي حتى اللي ما عرفوا ستها من ولاد جيلنا اليوم يذوقوا مواسم الخير والنفس المحب ويعرفوا اسرار المطبخ اللبناني ويتبادلوا احلى الكلام.
اليوم، بلبنان وبالغربة، فاتحة بيتها لكل مين اشتاق وحن لنسمة الضيعة... ولنكهة البركة بكل لقمة.