لتحضير يخنة كفتة وبطاطا، اول شي بقطع كم حبة بطاطا مقطعة مكعبات حجم وسط بغسلها وبحطها على جنب.
- بقدونس مفروم وبصلة مفرومة بحطهن فوق اللحمة المفرومة وبضيف عليهن بهارات مشكلة وملح وبفركهن كتير منيح.
بجيب طنجرة وبحطها على النار وبحط شوية زيت وببلش اشكل الكفتة كرات او اصابع صغيرة وبحطها على النار وبقليهن كتير منيح
بس تجهز الكفتة وتنشف عنها الماي، بضيف البطاطا عليهن وبقلبهن شوي حتى يتقلى البطاطا شوي.
واخيراً بضيف فوقهن علبة بندورة معصورة وكم ملعقة رب البندورة (دبس البندورة) وملح وبغمرهن بالماي وبتركهن حتى يغلو وبعدين بخفف النار عليهن وبتركهن لحتى يجهزو .
طريقة الرز بالشعيرية:
اي نوع رز بتحبو انا هون مستعملة رز حبة طويلة بنكهة الياسمين
بنقع الرز حوالي نصف ساعة او اكثر
بالطنجرة بحط زيت وشعيرية حسب الرغبة وبضل بقلبهن حتى تشقر معي الشعيرية
بصفي الرز من الماي وبضيفه على الشعيرية وبحركهن كم دقيقة وبعدها بحط الملح وبغمرهن بالماي وبتركهن يغلو
بس يغلو بخفف النار على الاخر وبتركهن حتى يستوي الرز وينشف الماي بطفي تحتن واتركن يتخمرو شوي
المصدر: queen.of.food